وجيه عزيز .. فنان مش فقير 1
يوم التلات اللي فات حضرت لوجيه عزيز حفلة في ساقية الصاوي
في الحقيقة أنا كنت رايح لسبب واحد وهو إن مش معقول بكون بسمع ليه من تلت سنين أوأكتر وما رحتلوش حفلة ولا مرة
كانت حفلة لذيذة خصوصا إن كان معاه علي سلامة الشاعر الجميل
للأسف ما عرفتش أسجل الحفلة .. بس هاحاول أشوف حد يكون سجلها
كان وجيه عزيز يغني أغنية وعلي سلامة يلقي حاجة .. وأوقات كان الاتنين مع بعض
علي سلامة برضه قال شوية حاجات سمعتها قبل كده وحاجات أول مرة أسمعها
ودي حاجه بصوت علي سلامة وعندي ليه حاجات تانية بس للأسف مساحتها كبيرة
فيه ملحوظة أعيبها على وجيه عزيز .. إن بقاله فترة بيعتمد على نفسه فقط بالعود في معظم الحفلات .. وده مع إنه مميز في بعض الأشياء إلا إن المفروض يعمل تجديد .. مثلا يجيب حد يغني معاه أو يدخل بعض الآلات الموسيقية الخفيفة غير العود
المهم انتهت الحفلة وكان إحساس جميل .. خصوصا لما تسمع لعب العود من وجيه لايف وإحساس صوته في الحفلة أحلى من الاستماع للتسجيلات وإن شاء الله مع حفلة أخرى لوجيه
====
وجيه عزيز فنان حقيقي .. للأسف فيه ناس كتير ما سمعتش عنه أو سمعتله حاجات قليلة
المفروض في أول بوست عن وجيه أعرف الناس بيه .. بس قلت هايكون أول تعريف لوجيه للزوار عن طريق أغانيه وفي البوستات التانية هاكتب معلومات عنه
وجيه عزيز هياخد لوحده تلت أجزاء في البوستات .. في كل بوست باقة جميلة من الأغاني أتمنى إنها تعجب الناس إللي ما تعرفوش .. وفي نفس الوقت الناس إللي عارفاه ومش لاقيه أغانيه تجد الكثير منها هنا
http://www.4shared.com/file/11095143/fd4ee595/wageh.html
http://www.4shared.com/file/11095143/fd4ee595/wageh.html
لنك التحميل ده فيه الأغنيات التالية :
زعلان شوية - ودي إهداء لأمي الثانية
قول معايا
ما تجرحوش الورد
كان نفسي
لو تروح
لو ما قدرتش تضحك
فنان فقير
ما اعرفش ليه
هيلا هيلا
هيه هيه
هناك ١١ تعليقًا:
الغنى غنى الروح
حقيقة لا اعلم عنه شيئا ولكنني احببته من كلماتك ومن وصفك له
أحببت ان اكشرك على المرور بمدونتي كما أحببت ان اخبرك ان مدونتك رائعة
لي عودة
http://keepvid.com/
greasemonkey
بص يا سيدى السايت ده عشان تنزل اى فيديو من اى حته
و تختار الفورمات اللى حينزل بيه كمان
تانى اسم
ده
add on
لو انت بتستخدم
firefox
دى بتنزله بس حتحتاج
flv player
عشان تشغله
حلو اوى التسجيل
ياريت لو عندك تسجيلات تانيه لعى سلامه
او الحفله تنزلها
كان فيه اغنيه بتتكلم عن المطر فى لاول حاموت و اعرف اسمها
انا نزلت الاغانى من السايت بتاعه
اكتشفته متأخر وبالصدفة
لكن هو من النادرين اللي بتماهى مع احساسهم في الأغنية
موضوع جميل ياحامد،مستنية الباقي
احمد شوف الينكين دول فيهم حاجات ليهم
http://www.youtube.com/profile?user=sara85eg
http://www.youtube.com/watch?v=_NJ1rO2B9iI&mode=related&search=
فعلا يا حامد الحفلة كانت جميلة و وجيه و على كانو حلوين اوى
دنانير اعتقد انها تقصد اغنية ساعات
اللى بيقول فيها ساعات المطر وساعات اوقات بيجى ضعيف يا دوب كام نقطة تبل وش الرصيف و ساعات يهز الارض ياخدنا نحضن بعض نفتح شبابيكنا ازاز و شيش تقوليلى متخافش اقولك متخافيش يا هل ترى هنموت من البرد ولا ابتدينا نعيش
اغنية جميلة اوى و هى عندى بس فى تسجيل حفلة
حامد انا عندى الحفلة دى كمان سجلتها بس صوتها مش حلو يعنى على واضح دايما الصوت لكن مع وجيه فى مشكلة مش عارف ليه
يا فااااارسني مرتين ، كان بيني وبينه رميه حجر !! ، وماروحتـش !!!!
حاجة تغيييظ صح ، الله يخلي اللي كان السبب !!!
وبعدين مدونتـك دي فين من زماااااااان
يعني أعدي عليها صدفة كده
رغم إنـك سابقني
يا أخي الزهايمر ده بقى وحـش قوووي
وكل شوية بيبان لي وحاشته أكثر
:)
لندا شكرا للمرور
وكمان ياريت لو تنزلي بعض الأغاني تسمعيها
وبانتظار العودة
أهلا دنانير
هاحاول أرفعلك الحفلة قبل السابقة متهيألي فيها الأغنية
يا هل ترى هانموت م البرد ولا ابتدينا نعيش؟
وهاانزل حاجات علي سلامة برضه إن شاء الله
وشكرا على البرامج
تحياتي
ملكة
ما انتي لو متابعة هناك كنتي هاتعرفيه من زمان
;)
إن شاء الله أنزل باقي الموضوع
تحياتي
محمد ياسر
للأسف أنا ماكنتش هاجي بس في الآخر قلت أروح وخلاص
بس إن شاء الله نتقابل في حفلات قدامة
تحياتي
إبراهيم
منور البلوج
إنتا كذا مرة تقول هاتييج كذا حاجة وما بتجيش
:D
عامةإن شاء الله نتقابل قريبا
تحياتي
إرسال تعليق