وما خافش ليه؟!!
ويقولوا ليه خايف؟
وما خافش ليه ؟!
لما أشوفها بتبعتد
لما أشوفها بتختفي
أحلام جميلة بتنتهي
مش هانلاقيها للأبد
[ لما يضيع الصوت
لما يفوت اللحن
ووردة تدبل تموت
والصبر يصبح عجز]
---
لما ما اشوفش عنيكي تاني
لما ما اشوفش عيالي منك
لما ما اشوفش نفسي فيكي
لما ما اشوفش فيكي نفسي
لما ما اشوفش أي شيء
غير إني عاجز مستكين
روحي ما بعدك روح
روحك بعيدة ليه؟!
---
إنسان أيا إنسان
ما أعجز الإنسان
تزرع إيديه بستان
من كل شيء أفنان
والرب يفضل راعيه
والرب بيمنيه ..
وفجأة يغضب عليه
يرسل عليه بركان
من وحي سورة الكهف !!
---
وما أخافش ليه؟!
صوتك سكن فيا
والإسم أغنية
والرسم بالألوان
إللي ماهيش غامقة
والجسم يتمايل
وأنا جسمي مش طايل
والروح يادوب لامسة
أجملها جنية ..
أجملها حدوتة
ماكنتش يوم بايخة
بس نهايتها موت !!
---
[ شفت الصبية .. في المغربية
على شط بحر إسكندرية
مِسِكت إيديا .. ومسكت روحها
ومسِكت إيدها ..
وروحي فيها ورحها فيا !! ]
---
عشاق أيا عشاق
ما أتعس العشاق
لو عاشوا وسط بلاد
بتكسّر المجاديف
بتهد في الأحلام
وبتهزم الفرسان
حتى ولو شجعان
بتربي فيهم يأس
ضعف وهزيمة وكسر
يا عاشق الحلوة
لو كنت عايز تحب
عمرك ما تسكن مصر !
---
أنا وشي ليه محزون
مش حاسس الفرحة
لو نمت زي ما أقوم
يا دنيا ليه جارحة
يا حزن يا مستباح ..
يا فرح بتحفظ
الحيل ماهوش مشدود
ليه كلي متخدل ؟!
--
يا رب يا معبود
بدعي وقوف وسجود
يارب ما خفتش
خوفي على خوفهم
يارب طمنهم !!
---
ويقولوا ليه خايف ؟
وما خافش ليه منِك !
فجر 12/12/2006
هناك ٥ تعليقات:
وفجأة يغضب عليه
يرسل عليه بركان
من وحي سورة الكهف !!
>>>>howa msh fag2a ya hamed howa
من أعمالكم سلط عليكم
و بعدين أرض الله واسعة..... لو ماعرفتش تحقق أحلامك في المكان اللي انت فيه.... دور تحققها في مكان تاني
:)
مش لازم تبقي محزون
NICE POST..THANX ALOT
دة ايه الكلام الكبير دة
يا رب يا معبود
بدعي وقوف وسجود
يارب ما خفتش
خوفي على خوفهم
يارب طمنهم !!
عجبتني اوي وحسيت بيها اوي
انا اول مرة ازور مدونتك
وعجبتني اوي
ثواني بقي اروح واشوف بقية مواضيعك
aliaa
أهلا وسهلا بيكي ولمرورك
هو الله ممكن يرسل العقاب فجأة وممكن يمهل
بس في كلا الحالتين بيبقى فجأة لمتلقى العقاب ..
بس أنا قصدي إن مش شرط يكون فيه عقاب من ربنا ..أحيانا بنحس لما نفقد شيء أو ما يتحقق شيء إن ده عقاب
إحساس بشري بحت بييجي لمعظمنا
====
ممكن برضه أحقق أحلامي في مكان تاني .. بس هايفضل السؤال دائما في الذاكرة عن الحلم الأول
فيه حاجة كنت كاتبها من فترة بتقول :
يا حبيبة .. ما سيكتمل ولو بسوء خير من نهاية مبهمة .. فالأحلام التي لم تكتمل لن تريح صاحبها أبد الدهر .. حتى وإن عاش ألف ألف حياة سعيدة بعدها ! .
شكرا للمرور
smraa alnil
سعيد بإعجباك
وشكرا للمرور
إرسال تعليق