يــــارب
(1)
يارب محتاج لك
محتاج تكون جنبي
محتاج تنورني
دايما تصبرني
محتاج ..وأنا عبدك
وانتا إللي خالقني
(2)
يارب محتاج لك
محتاج حاجات منك
محتاج ومين غيرك
ينزعني من خوفي
محتاج أنا القوة
والقوة من عندك
سهل لي في ظروفي
(3)
يارب نجحني
يارب وصلني
يارب ببكي لك
وحدك وبشكي لك
الدنيا دي صعبة
والدنيا دي رخصية
والكل مش فاهم !
(4)
يارب كلي ذنوب
اغفر لي زلاتي
ماتخليهاش السبب
إنك تأخر طلب
--
يارب ليا سؤال
طامع أنا ف كرمك
يارب جمّعنا
هي وأنا في الحلال
23/1/2007
=================
ومن كتابات سابقة
================
يارب يا معبود
بدعي وقوف وسجود
يارب ما خفتش
خوفي على خوفهم
يارب طمنهم !
****
يارب يا خالق صبحي
إنت الأمل عالج جرحي
من غيرك انتا يبل الريق
صبحك ده بيرجّع فرحي
****
خيرك مغرّق كلي يا معبود
حبيبتي عايشة يعين راح هاتعود
فالحمد لله والفضل والمنه
رغم البعاد إللي مالهمش حدود
!!!!!!!!!!!!
:(
هناك ٤ تعليقات:
المعاناة تخلق مبدع
ده مبدأ معروف
بس أحياناً الواحد بيتمنى يتخلى عن ابداعه في سبيل إنه يعيش حياة من غير معاناة!
تحياتي يا حامد وربنا يقويك
مادام الجروح ماقدرتش تهربك من ربنا يبقى أحلى حاجة انك تغلط و تحزن ويغلبك حزنك و يبعدك عن فروضك.. لكن قلبك متعلق بيه
فتبعد وتبعد وترجع ليه
إوعى بجد تسيب أخطاءك تبعدك عنه بعذر الضمير... هو أدرى مين يستاهل و مين ما يستاهلش
ملكة
الواحد ممكن يبطل كتابة خالص مقابل إنه يحقق أحلامه !
دايما كنت بقول كده .. خصوصا إن الواحد مش شاعر ولا حاجة ممكن يكتب مأساة تأرخ أحداث في حياته ولا مجتمعه
بتمكن زي شعراءنا الكبار
يعني لا طلت ده ولا ده !!
تحياتي
عنقود العنب
نورتي البلوج
شكرا للنصائح وإن شاء الله يحصل كل خير
إرسال تعليق