البقاء لله
حاجات كتيرة مش عارفين ناخد العزا فيها علشان نستريح .. بس الحمد لله آدي حاجة خدنا فيها العزا !!
الدستور بتاعنا خلاص مات .. الدستور اللي أصلا كان مليان بنود أي كلام وماكنتش عاجبانا لأنها قديمة وغير مواكبة للعصر والتغيرات انتهى وبدأنا حقبة جديدة
السخرية إن الكل دلوقتي بقى أقصى أمانيه إن التعديلات الأخيرة تتلغي .. بدلا إن تكون الأمنية نسف الدستور المصري كله وإعداد دستور جديد متزن .. زي التلميذ بالظبط لما المدرس يعاقبه بعشر عصيان يقعد يعيط ولما يقوله لأ هاخليهم خمسة يفرح وكأنه حقق نصر !
حتى لو التعديلات اتلغت الموضوع مش هايتحل .. بس لو ما اتحلش السواد هايبقى أكتر فقط !
دعوة لكل الشعب -ده لو فيه شعب أصلا- يطلع يوم الاستفتاء ويعمل الواجب اللي عليه لرفض التعديلات الدستورية .. حتى لو عارفين إن التصويت مش هايبقى ليه قيمة .. نعمل اللي علينا .. معذرة إلى الله !
على الأقل علشان نبقى نضاف قدام نفسنا .. حاجة لإرضاء النفس إنها عملت شيء صح حتى لو الفساد والظلم هايستمر بل هايزيد كمان
هناك تعليقان (٢):
بقي كل اللي بنطلبة يسيبوا الدستور زي ماهو
والمعارضة بتنصحنا بالمقاطعة ..انا انتخبت وفدي ولا اخوان علشان يقاطع ..امال كنتم زعلانين ليه لما مانتخبناش وقلتوا عنا سلبيين
في بكرة وقفة احتجاجية في التحرير، الامن مستعدلها والمحتجين لسة متفقوش اصلا
!!!
------
قل لا بدلا من ان تنسحب
استفتاء مش استفتاء اللى عايزينه هو اللى هيكون ربنا على الظالم
لك الله يا مصر
إرسال تعليق