باستنظرك / باستصرخك

باستنظرك
باستنظرك
رغم القساوة في منظرك
لحظة هروبك يا ( حط اسم حبيبتك)
م الحب لما استنصرك
باستنظرك
باستنظرك رغم الشتا
والبرق والرعد المخيف
باستنظرك
في الشارع المشغول
بأوحال الرصيف
أنا أصلي حاسب موعدك
وعارف إللي بيبعدك
وأنا إللي خابر تبقي مين
وأنا إللي صابر من سنين!!!!
وباعدلك بالثانية عمري!
وأعدلك مطرح في بستان الأمل
وبامدلك
وفي كل خطوة بامدلك
إيدي إللي شققها العمل
مدي الخطاوي يا حبيبتي وقدمي
وإن كنتي خايفة م الطريق اتبسمي.

(أحمد فؤاد نجم)